AI Academy மற்றும் Tomorrow University இணைந்து கொழும்பில் ஜெர்மன் AI பட்டப்படிப்புகளை Work-Study முறையில் வழங்குகின்றன 

இலங்கை மாணவர்கள் மற்றும் பணிபுரியும் தொழில்முறையாளர்கள், ஜெர்மனியின் மாநில அங்கீகாரம் பெற்ற Tomorrow University of Applied Sciences பல்கலைக்கழகத்தின் பட்டப்படிப்புகளைப் பயில்வதுடன், கொழும்பிலேயே நடைமுறை வேலை அனுபவத்தையும் பெறும் வாய்ப்பைப் பெறவுள்ளனர். இதற்காக AI Academy மற்றும் பெர்லினைத் தளமாகக் கொண்ட Tomorrow University இடையே புதிய கூட்டாண்மை ஏற்படுத்தப்பட்டுள்ளது. 

இந்த கூட்டாண்மையின் கீழ், Tomorrow University வழங்கும் இரண்டு முக்கிய தகுதிகள் BSc in Applied AI மற்றும் MBA in AI & Technological Transformation ஆகியவை AI Academy-யின் உள்ளூர் Incubator Model மூலம் வழங்கப்படவுள்ளன. இந்த கூட்டாண்மை ஆகஸ்ட் 24ஆம் தேதி Hatch-ல் நடைபெறும் செய்தியாளர் சந்திப்பில் அறிவிக்கப்பட உள்ளது. 

இந்த முறை ஒரு எளிய கருத்தை அடிப்படையாகக் கொண்டது: முதல் நாளிலிருந்தே ஒரே நேரத்தில் வேலையும் பட்டப்படிப்பும். 

AI Academy மாணவர்கள் கல்வியைத் தொடங்கிய முதல் நாளிலிருந்தே இலங்கை மற்றும் சர்வதேச நிறுவனங்களுக்கான உண்மையான பணிகளில், ஊதியத்துடன் ஈடுபடுவார்கள். கல்வி முடிந்த பிறகுதான் வேலை என்ற பாரம்பரிய முறைக்குப் பதிலாக, பட்டப்படிப்பைத் தொடரும் போதே மாணவர்கள் தங்களது Portfolio, நடைமுறை வேலை அனுபவம் மற்றும் தொழில்துறை திறன்களை உருவாக்கிக் கொள்ள முடியும். 

மேலும், மாணவர்கள் கற்றுக்கொள்ளும் அறிவை உண்மையான வணிகச் சவால்களுக்குப் பயன்படுத்தும் வாய்ப்பையும் பெறுவார்கள். 

இந்த கூட்டாண்மையின் மூலம், இலங்கை மாணவர்கள் வெளிநாட்டிற்குச் செல்ல வேண்டிய அவசியமின்றி ஜெர்மன் உயர்கல்விப் பட்டப்படிப்பை இலங்கையிலிருந்தே பெறும் வாய்ப்பு கிடைக்கிறது. 

Tomorrow University, ஜெர்மனியின் State of Hesse அரசின் கீழ் மாநில அங்கீகாரம் பெற்ற தனியார் உயர்கல்வி நிறுவனமாகும். அதன் MBA பாடநெறிகள் ACQUIN மூலம் German Accreditation Council அங்கீகாரம் பெற்றுள்ளன. அதேபோல், அதன் Bachelor’s பாடநெறிகள் FIBAA மூலம் அங்கீகரிக்கப்பட்டு சர்வதேச அளவில் அங்கீகாரம் பெற்றுள்ளன. 

MBA in AI & Technological Transformation என்பது AI மற்றும் தொழில்நுட்ப திறன்களை வணிகத் தலைமைத்துவத்துடன் இணைக்க விரும்பும் தொழில்முறையாளர்களுக்காக வடிவமைக்கப்பட்டுள்ளது. 

அதே நேரத்தில், BSc in Applied AI நடைமுறை சார்ந்த கற்றலுக்கு முக்கியத்துவம் அளிக்கிறது. இரண்டு பாடநெறிகளுமே அறிவை உண்மையான பிரச்சினைகளுக்குப் பயன்படுத்துதல் மற்றும் Challenge-Based Learning எனப்படும் சவால் அடிப்படையிலான கற்றல் முறையை மையமாகக் கொண்டுள்ளன. 

AI Academy நிறுவனத்தின் நிறுவுநரான Linda Speldewinde கூறுகையில்: 

“AOD-ல் நாங்கள் வடிவமைப்பை மட்டும் கற்பிக்கவில்லை. இலங்கை வடிவமைப்பாளர்களை உலகளாவிய தளத்திற்கு அழைத்துச் சென்றோம். இன்று அவர்கள் உலகின் முன்னணி வடிவமைப்புப் பள்ளிகளில் பட்டம் பெற்றவர்களுடன் போட்டியிட்டு, சர்வதேச அளவில் தங்களுக்கென தனி அடையாளத்தை உருவாக்கி வருகின்றனர். 

இது நடந்ததற்குக் காரணம், நாங்கள் வடிவமைப்புக் கல்வியை வித்தியாசமான முறையில் அணுகியதுதான் — முதல் நாளிலிருந்தே உண்மையான வேலை, உண்மையான வாடிக்கையாளர்கள், உண்மையான பொறுப்புகள் மற்றும் சமூகத்தில் தாக்கத்தை ஏற்படுத்தும் பணிகள். 

AI Academy-யும் அதே நம்பிக்கையின் அடிப்படையில்தான் உருவாக்கப்பட்டுள்ளது. ஆனால் இப்போது ஒவ்வொரு துறையையும் மாற்றிக்கொண்டிருக்கும் AI துறைக்கு அது பயன்படுத்தப்படுகிறது. 

மாணவர்கள் பணம் சம்பாதிப்பது, கற்றுக்கொள்வது, தங்களுக்கென ஏதாவது ஒன்றை உருவாக்குவது ஆகிய மூன்றில் ஒன்றைத் தேர்வு செய்ய வேண்டிய அவசியம் இருக்கக்கூடாது. கொழும்பிலிருந்தே அவர்கள் இந்த மூன்றையும் ஒரே நேரத்தில் சாதிக்கக்கூடியதாக இருக்க வேண்டும்.” 

தொழில்நுட்பம் மற்றும் Startups, ஆடைத் தொழில், தேயிலைத் துறை, சுற்றுலா, Logistics மற்றும் அரசாங்கம் போன்ற பல்வேறு துறைகளில் வழங்கப்படும் சவால் அடிப்படையிலான பணிகள் மற்றும் வேலைப் பயிற்சிகள் (Placements) மூலம், இந்த Work-Study Model மாணவர்களை தொழில்துறையுடன் நெருக்கமாக இணைக்கும். 

மாணவர்கள் மற்றும் பேராசிரியர்களுடன் இணைந்து உருவாக்கப்படும் நடைமுறை சார்ந்த AI Business Solutions-களை ஆரம்ப கட்டத்திலேயே பயன்படுத்திப் பார்க்கும் வாய்ப்பை கூட்டாண்மை நிறுவனங்களுக்கு வழங்குவது, AI Academy-யின் ஏற்கனவே நடைமுறையில் உள்ள மாடலின் முக்கிய அடித்தளமாகும். இதன் மூலம் மாணவர்கள் தங்களது முழு கல்விக் காலத்திலும் தொழில்துறை நிறுவனங்களுடன் தொடர்ந்து தொடர்புகொள்ளும் வாய்ப்பைப் பெறுகின்றனர். 

இந்த முறை, பள்ளிப் படிப்பை முடித்த மாணவர்கள் மற்றும் அவர்களது பெற்றோர்கள் வழக்கமாக எதிர்கொள்ளும் வெளிநாட்டில் சென்று படிப்பதா அல்லது உள்ளூரில் பாரம்பரிய பட்டப்படிப்பைத் தொடர்வதா என்ற தேர்வுக்கு மாற்று வாய்ப்பை வழங்குகிறது. இலங்கையிலேயே தங்கியிருந்து, Tomorrow University மூலம் சர்வதேச மாணவர்கள், பேராசிரியர்கள் மற்றும் ஜெர்மன் பல்கலைக்கழகத் தகுதி ஆகியவற்றை மாணவர்கள் பெற முடியும். 

MBA பாடநெறி, கல்வியைத் தொடர்வதற்காக தங்களது வேலையை விட்டுவிடுவது பெரும்பாலும் சாத்தியமில்லாத தொழில்முறையாளர்களுக்காக வடிவமைக்கப்பட்டுள்ளது. அதற்கு பதிலாக, தொழில்முறையாளர்கள் தங்களது தற்போதைய பணியைத் தொடர்ந்து மேற்கொண்டுகொண்டே, புதிய AI மற்றும் தொழில்நுட்ப திறன்களை வளர்த்துக்கொள்ளும் வாய்ப்பைப் பெற முடியும். 

கைத்தொழில் மற்றும் தொழில் முனைவோர் மேம்பாட்டுத் துறை பிரதி அமைச்சரான கௌரவ. Chathuranga Abeysinghe, இந்நிகழ்வில் பிரதான உரையை வழங்கவுள்ளார். அவர் கூறுகையில்: “இலங்கையின் அடுத்த கட்ட கைத்தொழில் மற்றும் பொருளாதார வளர்ச்சி என்பது தகுதி பெற்ற நபர்களின் எண்ணிக்கையில் மட்டும் தங்கியிருக்காது. அவர்கள் பெற்றுள்ள தகுதிகளை வைத்து என்ன சாதிக்க முடிகிறது என்பதிலும் அது தங்கியுள்ளது. 

தொழில்நுட்பத்துடன் பணியாற்றக்கூடியவர்கள், பிரச்சினைகளைப் புரிந்துகொள்ளக்கூடியவர்கள் மற்றும் தங்களது அறிவை மதிப்பாக மாற்றக்கூடியவர்கள் தொழில்துறைக்கு தேவைப்படுகின்றனர். 

எனவே, நாட்டின் திறன் மேம்பாடு மற்றும் தொழில் முனைவோர் வளர்ச்சி தொடர்பான திட்டங்கள், கற்றலை உண்மையான தொழில் மற்றும் வணிகச் செயல்பாடுகளுடன் நெருக்கமாக இணைக்கும் கல்வி முறைகளை அடிப்படையாகக் கொண்டிருக்க வேண்டும்.” 

இந்த கூட்டாண்மையின் மற்றொரு முக்கிய அடித்தளம் கல்விக்கான ஒரே மாதிரியான அணுகுமுறையாகும். AI Academy மற்றும் Tomorrow University ஆகிய இரு நிறுவனங்களும் தனித்தனியாக வளர்ந்திருந்தாலும், ஒரே முடிவுக்கு வந்துள்ளன: கல்வி என்பது சவால் அடிப்படையிலானதாகவும், வேலை அனுபவத்துடன் இணைந்ததாகவும், மாணவர்கள் தங்களது யோசனைகளைச் சோதித்து வளர்க்கக்கூடிய சூழலுடன் கூடியதாகவும் இருக்கும்போது, AI-ஐ மையமாகக் கொண்ட எதிர்கால பொருளாதாரத்திற்கு மாணவர்கள் சிறப்பாகத் தயாராக முடியும். 

Tomorrow University of Applied Sciences நிறுவனத்தின் நிறுவுநரான Christian Rebernik கூறுகையில்: 

“வேலைவாய்ப்பின் எதிர்காலமும் கல்வியின் எதிர்காலமும் ஒன்றோடொன்று பிரிக்க முடியாத வகையில் இணைந்துள்ளன. 

AI ஏற்கனவே நிறுவனங்கள் செயல்படும் முறையை மாற்றிக் கொண்டிருக்கிறது. எனவே, மாணவர்கள் AI மற்றும் தொழில்நுட்பத்தைப் பற்றிய அடிப்படை அறிவை மட்டும் கொண்டிருப்பது போதாது. மாறிக்கொண்டிருக்கும் சிக்கலான சூழ்நிலைகளில் தொழில்நுட்பத்தைப் பயன்படுத்தும் திறனும் அவர்களுக்கு தேவை. 

AI Academy உடனான எங்களது கூட்டாண்மையும் இந்த நம்பிக்கையையே பிரதிபலிக்கிறது. பட்டப்படிப்புடன் இணைந்துள்ள நடைமுறைப் பணிகள் மூலம் மாணவர்கள் தங்களது அறிவைச் சோதிக்கவும், கேள்வி எழுப்பவும், புதியவற்றை உருவாக்கவும் முடியும். அதே நேரத்தில், பட்டப்படிப்பு அவர்களுக்கு தேவையான கல்வி மற்றும் கோட்பாட்டு அடித்தளத்தை வழங்குகிறது.” 

Lin Gong Deutschmann, Connector, ToU-AOD, ஆகிய இரு நிறுவனங்களையும் இணைப்பதில் முக்கிய பங்காற்றினார். AI Academy மற்றும் Tomorrow University தனித்தனியாக வளர்ந்திருந்தாலும், இரு நிறுவனங்களும் ஒரே மாதிரியான கல்வி அணுகுமுறையைப் பின்பற்றுவதை அவர் அடையாளம் கண்டார். 

Lin Gong Deutschmann கூறுகையில்: 

“இரண்டு நிறுவனங்கள் ஒன்றாக இணைந்து பணியாற்ற விரும்பியது எனக்கு ஆச்சரியமாக இருக்கவில்லை. ஆனால், அவர்கள் சந்திப்பதற்கு முன்பே இருவரும் கிட்டத்தட்ட ஒரே கேள்வியைத்தான் கேட்டுக்கொண்டிருந்தார்கள் என்பதுதான் என்னை மிகவும் கவர்ந்தது: ‘மக்கள் உண்மையில் தீர்க்க வேண்டிய பிரச்சினைகளை மையமாகக் கொண்டு கல்வி உருவாக்கப்பட்டால் எப்படி இருக்கும்?’ 

இது தெளிவானதும், இந்த கூட்டாண்மை என்பது முற்றிலும் புதிதாக ஒன்றை உருவாக்குவது போல் தெரியவில்லை. ஏற்கனவே இருந்த இரண்டு சிறந்த யோசனைகளை ஒன்றாக இணைப்பது போலவே உணரப்பட்டது.” 

Incubator Model மூலம், ஏற்கனவே இயங்கி வரும் நிறுவனங்களுக்குள் மாற்றங்களை உருவாக்கக்கூடிய Future Intrapreneurs-ஐ உருவாக்குவதுடன், தொழில் முனைவோராக விரும்பும் மாணவர்களும் Mentors மற்றும் தொழில்துறை நிபுணர்களின் உதவியுடன் தங்களது யோசனைகளை உருவாக்கி, சோதித்து பார்க்க முடியும். 

மாணவர்கள் AI Academy-யின் வருடாந்திர APEX Summit நிகழ்வைத் திட்டமிட்டு நடத்துவதிலும் முக்கிய பொறுப்பை ஏற்கவுள்ளனர். இதன் மூலம் அவர்கள் தங்களது பணிகளை தொழில்துறை நிறுவனங்கள், வேலைவாய்ப்பு வழங்குநர்கள் மற்றும் முதலீட்டாளர்களிடம் நேரடியாகக் காட்சிப்படுத்தும் வாய்ப்பைப் பெறுவார்கள். 

மேலும், இந்த திட்டத்தின் ஒரு முக்கியமான கூடுதல் அம்சமாக, ஒவ்வொரு பட்டதாரியும் போதுமான சேவைகள் அல்லது வாய்ப்புகள் கிடைக்காத ஒரு சமூகத்தை அடையாளம் கண்டு, அந்த சமூகத்தின் பிரச்சினைக்கு தீர்வு காணும் வகையில் ஒரு AI Project-ஐ வடிவமைத்து செயல்படுத்த வேண்டும். 

இதன் மூலம் தொழில்நுட்பம் மற்றும் வணிகம் தொடர்பான கற்றல், நடைமுறை சமூகப் பயனுடன் இணைக்கப்படுகிறது. 

Independent Industry Voice மற்றும் Technology Entrepreneur Jeevan Gnanam கூறுகையில்: “தொழில்நுட்பத்தை கோட்பாட்டளவில் மட்டுமே கற்றுக்கொண்ட பட்டதாரிகள் இலங்கை தொழில்துறைக்கு அதிகமாகத் தேவையில்லை. 

ஒரு வாடிக்கையாளருடன் பணியாற்றிய அனுபவம், கடினமான ஒரு பிரச்சினைக்கு தீர்வு கண்ட அனுபவம், முடிவுகளை எடுத்த அனுபவம் மற்றும் அந்த முடிவுகளின் விளைவுகளை எதிர்கொண்ட அனுபவம் கொண்டவர்களே தொழில்துறைக்கு தேவை. 

இந்த கல்வி முறை அத்தகைய நடைமுறை அனுபவத்தை அங்கீகரிக்கப்பட்ட பட்டப்படிப்புடன் இணைத்து வழங்குமானால், வேலைவாய்ப்பு சந்தைக்குள் நுழையும் அந்த பட்டதாரி, வெறும் கல்விப் பதிவேட்டை மட்டுமே கொண்ட ஒருவரிடமிருந்து முற்றிலும் மாறுபட்டவராக இருப்பார்.” AI தற்போது தொழில்நுட்பத் துறையைத் தாண்டி உற்பத்தி, ஆடைத் தொழில், சுற்றுலா, Logistics, விவசாயம் மற்றும் சேவைத் துறைகள் உள்ளிட்ட பல்வேறு துறைகளிலும் வேகமாக விரிவடைந்து வருகிறது. 

எனவே, AI Academy-யின் இந்த கல்வி முறை, எதிர்காலத்தில் தொழில்நுட்பத் துறையில் பணியாற்ற விரும்புகிறார்களா இல்லையா என்பதைப் பொருட்படுத்தாமல், AI-ஐ தங்களது துறையில் எவ்வாறு பயன்படுத்துவது என்பதை கற்றுக்கொள்ள விரும்பும் மாணவர்கள் மற்றும் தொழில்முறையாளர்களுக்காக வடிவமைக்கப்பட்டுள்ளது. 

உள்ளூர் Incubator Model மாணவர்களுக்கு தொழில்துறை மற்றும் தொழில் முனைவோர் சூழலை வழங்கும் அதேவேளையில், இந்த கூட்டாண்மை மூலம் கொழும்பிலிருந்தே மாணவர்கள் சர்வதேச கற்றல் சூழல், சர்வதேச பேராசிரியர்கள் மற்றும் சர்வதேச மாணவர்களுடன் இணைந்து கற்கும் வாய்ப்பு ஆகியவற்றைப் பெறுவார்கள். 

எனவே, BSc in Applied AI மற்றும் MBA in AI & Technological Transformation ஆகியவை கல்வியை ஒரு தொழில் தொடங்குவதற்கு முன் காத்திருக்கும் இடைநிலையாகக் கருதுவதில்லை. பட்டப்படிப்பு தொடங்கும் நாளிலேயே தொழிலும் தொடங்குகிறது. செய்தி மிகவும் எளிமையானது: 

உலகளவில் கற்றுக்கொள்ளுங்கள். முதல் நாளிலிருந்தே பணியாற்றுங்கள். அடுத்த தலைமுறைக்கான புதியவற்றை உருவாக்குங்கள் — கொழும்பிலிருந்தே.