Sep 30, 2026 - 05:42 PM
இலங்கை தேயிலை மற்றும் ஒன்பது வளைவுப் பாலம் (Nine Arch Bridge) போன்ற புகழ்பெற்ற இடங்களுக்குப் பெயர் பெற்ற பதுளை, பண்டாரவளை மற்றும் எல்ல ஆகிய பகுதிகளில் Uber Eats தனது சேவையைத் தொடங்கியுள்ளது. இதன் மூலம், உள்ளூர் மக்களும் சுற்றுலாப் பயணிகளும் தங்களுக்குப் பிடித்தமான உணவுகளை - அதாவது இதமான சோறு மற்றும் கறி முதல் சிற்றுண்டிகள் அல்லது காலை நேரக் கோப்பி வரை - தங்கள் இருப்பிடத்திற்கே வரவழைத்து மகிழலாம். நுவரெலியா மற்றும் இரத்தினபுரிக்குப் பிறகு, இந்த ஆண்டில் Uber Eats தனது சேவையை விரிவுபடுத்தும் மூன்றாவது மாவட்டமாக இப்பகுதி அமைந்துள்ளது.
Uber Eats சேவையின் வருகையால், நுகர்வோர் இப்பகுதியில் உள்ள பல்வேறு உள்ளூர் உணவகங்கள் மற்றும் பிரபலமான உணவகங்களிலிருந்து உணவை ஆர்டர் செய்து பெற முடியும். இலங்கையின் மிகப்பிரபலமான சுற்றுலாத் தலங்களில் ஒன்றான எல்ல பகுதியில், உள்நாட்டு மற்றும் வெளிநாட்டுச் சுற்றுலாப் பயணிகள் தங்கள் பயணத்தின்போது கூடுதல் தெரிவுகள் மற்றும் வசதியைப் பெறவும், அதேவேளையில் உணவகங்கள் பரந்த அளவிலான வாடிக்கையாளர்களுக்குச் சேவையளிக்கவும் இந்தச் சேவை உதவும்.
Uber Eats தளத்தின் மூலம் வணிகர்கள் அதிக வாடிக்கையாளர்களைச் சென்றடைய உதவுவதன் மூலமும், அதே சமயம் விநியோக கூட்டாளர்களுக்கு நெகிழ்வான வருமான வாய்ப்புகளை உருவாக்குவதன் மூலமும் இந்தச் சேவை உள்ளூர் சமூகத்தை ஆதரிக்கிறது. குறிப்பாக பதுளையின் வளர்ந்து வரும் சுற்றுலாப் பொருளாதாரத்திற்குச் சேவையளிக்கும் வணிகங்களுக்கு, தங்கள் தொழிலை விரிவுபடுத்தவும், இணைவழி விநியோக சேவைகளுக்கான அதிகரித்து வரும் தேவையிலிருந்து பயனடையவும் இந்தத் தளம் ஒரு புதிய வாய்ப்பை வழங்குகிறது.
Uber Sri Lanka நிறுவனத்தின் விநியோக சேவைக்கான முகாமையாளரான வருண் விஜேவர்தன கூறுகையில்: “இலங்கை முழுவதும் எங்கள் சேவையை விரிவுபடுத்துவதன் நோக்கம், தொழில்நுட்பம் வழங்கும் வசதிகளும் வாய்ப்புகளும் பெரிய நகரங்களுக்கு மட்டுமே மட்டுப்படுத்தப்படாமல் இருப்பதை உறுதி செய்வதாகும். பதுளை நகரில் எங்கள் சேவையைத் தொடங்கும்போது, அப்பகுதியிலுள்ள உணவகங்கள், வணிகர்கள் மற்றும் விநியோகப் பங்காளிகளுடன் இணைந்து செயல்படவும், நாங்கள் சேவை செய்யும் சமூகங்களின் அன்றாட வாழ்வின் ஒரு அங்கமாக மாறவும் ஆவலுடன் காத்திருக்கிறோம்.
நாடு முழுவதும் தனது வணிகத்தை விரிவுபடுத்தும்போது, அதிக உள்ளூர் சமூகங்களைச் சென்றடைவதிலும், வணிகர்கள் மற்றும் விநியோகப் பங்காளர்களுக்கு ஆதரவளிப்பதிலும் Uber Eats தொடர்ந்து உறுதியுடன் செயல்பட்டு வருகிறது.
