செய்திகள்
சபாநாயகருக்கு எதிராக நம்பிக்கையில்லா பிரேரணை - இறுதி முடிவு நாளை
Oct 4, 2026 - 08:21 PM
சபாநாயகர் கலாநிதி ஜகத் விக்ரமரத்னவுக்கு எதிராக நம்பிக்கையில்லாப் பிரேரணையைச் சமர்ப்பிப்பதற்கு ஐக்கிய மக்கள் சக்தி தீர்மானித்துள்ளது.
இது தொடர்பான இறுதித் தீர்மானம் நாளை (05) கூடவுள்ள எதிர்க்கட்சிக் குழுக் கூட்டத்தில் எடுக்கப்படும் என ஐக்கிய மக்கள் சக்தியின் பாராளுமன்ற உறுப்பினர் அஜித் பீ. பெரேரா தெரிவித்துள்ளார்.
இதன்போது அவர் மேலும் குறிப்பிடுகையில்,
சபாநாயகருக்கு எதிராக நம்பிக்கையில்லாப் பிரேரணையைச் சமர்ப்பிப்பது குறித்து பாராளுமன்ற எதிர்க்கட்சியிலுள்ள அனைத்துக் கட்சிகளின் தலைவர்களும் கலந்துரையாடி வருகின்றனர்.
தற்போது நாங்கள் இந்த நம்பிக்கையில்லாப் பிரேரணையை வரைவு செய்துள்ளோம்.
இந்த நம்பிக்கையில்லாப் பிரேரணையைச் சமர்ப்பிக்கும் திகதி குறித்து நாளை நாங்கள் தீர்மானிப்போம் என குறிப்பிட்டுள்ளார்.
