செய்திகள்
நடைபாதையில் நேர்ந்த அசம்பாவிதம்
Sep 29, 2026 - 10:16 AM
கண்டியில் உள்ள பழைய சிறைச்சாலைக்கு முன்னால் இருந்த நடைபாதை இன்று காலை (29) இடிந்து விழுந்ததில் ஏற்பட்ட விபத்தைத் தொடர்ந்து, 4 பேர் காயமடைந்து கண்டி தேசிய வைத்தியசாலையில் அனுமதிக்கப்பட்டுள்ளனர்.
இந்த சம்பவத்தில் நடைபாதையில் சென்றுகொண்டிருந்த 3 ஆண்களும் 1 பெண்ணுமே இவ்வாறு காயமடைந்து கண்டி தேசிய வைத்தியசாலையில் அனுமதிக்கப்பட்டுள்ளனர்.
கடைகளுக்குப் பின்னால் உள்ள கால்வாயில் இருந்து வரும் நீரோட்டத்தால், நடைபாதைக்குக் கீழே உள்ள மண் அரித்துப்போனதன் காரணமாக இந்தத் திடீர் நிலச்சரிவு ஏற்பட்டிருக்கலாம் என பிரதேசவாசிகள் சந்தேகிக்கின்றனர்.
