இலங்கையில் புதிய எரிசக்தி வாகனங்களின் பயன்பாட்டை விரைவுபடுத்த Uber மற்றும் Hayleys Mobility ஆகியன இணைந்து செயல்படுகின்றன

மின்சாரத்தில் இயங்கும் வாகனங்களுக்கான பிரத்தியேக விலை மற்றும் நிதி வசதிகள் மூலம், Uber ஓட்டுநர்கள் தூய்மையான மற்றும் சிக்கனமான போக்குவரத்து முறைக்கு மாற இது உதவும்

இலங்கையின் அபிமானம் பெற்ற பயண முன்பதிவு செயலியான Uber மற்றும் Hayleys Fentons Limited நிறுவனத்தின் இயக்கப் பிரிவான Hayleys Mobility ஆகியன, Uber ஓட்டுநர்களுக்கு மின்சாரத்தில் இயங்கும் வாகனங்களை எளிதாகவும் மலிவாகவும் கிடைக்கச் செய்வதற்காக ஒரு பிரத்தியேக கூட்டாண்மையை இன்று அறிவித்துள்ளன. இந்தக் கூட்டு முயற்சியானது, Uber நிறுவனத்தின் பயண முன்பதிவு தொழில்நுட்பம் மற்றும் ஓட்டுநர் வலையமைப்பை, Hayleys Mobility நிறுவனத்தின் புதிய எரிசக்தி வாகன வரிசை மற்றும் மின்சாரத்தில் இயங்கும் வாகனங்களின் சார்ஜிங் சூழலுடன் ஒன்றிணைக்கிறது. இது ஓட்டுநர்கள் மின்சாரத்தில் இயங்கும் வாகனப் பயன்பாட்டிற்கு மாறுவதற்கு உதவுவதோடு, அவர்களின் அன்றாட இயக்கச் செலவுகளையும் குறைக்கிறது.

இந்தக் கூட்டாண்மையின் ஒரு பகுதியாக, தகுதியுள்ள Uber ஓட்டுநர்கள் மின்சாரத்தில் இயங்கும் Kaiyi eVibe e04 காரை ஒரு பிரத்தியேகத் தள்ளுபடி விலையில் பெறுவார்கள். இது மாற்றத்தை எளிதாக்குகிறது. மேலும், Hayleys Mobility தனது 20 க்கும் மேற்பட்ட நிதிக் கூட்டாளர்களின் வலையமைப்பு மூலம் குத்தகைத் தெரிவுகளையும் எளிதாக்கும். இது, மின்சாரத்தில் இயங்கும் வாகனத்திற்கான உரிமையில் உள்ள மிகப்பெரிய தடைகளில் ஒன்றான வாகனம் வாங்குவதற்கான முன்கூட்டியே செலுத்த வேண்டிய தொகையை ஓட்டுநர்கள் சமாளிக்க உதவும்.

இந்தச் சலுகை Uber ஓட்டுநர் செயலி மூலம் கிடைக்கும். இதன் மூலம் தகுதியுள்ள ஓட்டுநர்கள், Uber செயலி வழியாகவே நேரடியாக வாகனத்தைக் கண்டறிந்து, கொள்வனவு மற்றும் நிதித் தெரிவுகளை ஆராய முடியும்.

ஓட்டுநர்களைப் பொறுத்தவரை, மின்சாரத்தில் இயங்கும் வாகனங்களுக்கு மாறுவது, பெட்ரோல் மற்றும் டீசல் செலவுகளை நீக்குவதன் மூலம் அன்றாட இயக்கச் செலவுகளைக் கணிசமாகக் குறைக்க உதவும். குறைந்த இயக்கச் செலவுகள், ஓட்டுநர்கள் தங்கள் வருமானத்தில் அதிக தொகையைத் தக்கவைத்துக்கொள்ள உதவுவதுடன், பயணிகளுக்கு அமைதியான, மென்மையான மற்றும் வசதியான பயண அனுபவத்தையும் வழங்குகின்றன.

Uber Sri Lanka நிறுவனத்தின் இயக்கப் பிரிவுக்கான முகாமையாளர் கௌஷல்யா குணரத்ன கூறுகையில்: “ஓட்டுநர்களைப் பொறுத்தவரை, மின்சாரத்தில் இயங்கும் வாகனங்களுக்கு மாறுவது என்பது சுற்றுச்சூழல் ரீதியாக மட்டுமல்லாமல், பொருளாதார ரீதியாகவும் இலாபகரமானதாக இருக்க வேண்டும். மின்சாரத்தில் இயங்கும் வாகனங்களை மலிவு விலையிலும் எளிதில் கிடைக்கக்கூடிய வகையிலும் மாற்றுவதன் மூலம், Hayleys Mobility உடனான எங்கள் கூட்டு முயற்சி, ஓட்டுநர்களின் இயக்கச் செலவுகளைக் குறைக்கவும், அவர்களின் வருமானத்தில் அதிகப் பகுதியைத் தக்கவைத்துக்கொள்ளவும், இலங்கையில் தூய்மையான போக்குவரத்து முறைக்கு பங்களிக்கவும் உதவும். இது மேலும் பல ஓட்டுநர்களை மின்சாரத்தில் இயங்கும் வாகனங்களுக்கு மாற ஊக்குவிக்கும் என்று நாங்கள் உறுதியாக நம்புகிறோம்” என்று தெரிவித்தார்.

Hayleys Fentons Limited நிறுவனத்தின் முகாமைத்துவப் பணிப்பாளர் ஹசித் பிரேமதிலக்க கூறுகையில்: “Hayleys Mobility இன் ‘ஒவ்வொரு பயணத்திற்கும் ஒரே வர்த்தகநாமம்’ (One Brand for Every Journey) என்ற வாக்குறுதி, வாகனத்தைத் தாண்டி விரிவடைகிறது. இது எங்கள் வாடிக்கையாளர்களுக்கு எளிதில் அணுகக்கூடிய வகையில் இருப்பதையும், நம்பகமான சேவையை வழங்குவதையும், நீண்டகால உறவுகளைக் கட்டியெழுப்புவதையும் குறிக்கிறது. Uber ஓட்டுநர்களை நாங்கள் Hayleys Mobility க்கு வரவேற்கும் வேளையில், ஒவ்வொரு பரிவர்த்தனையும் அவர்களுக்கு, தங்கள் வாகனத்திற்குப் பின்னால் இருக்கும் நபர்கள் மற்றும் நிபுணத்துவம் குறித்த நம்பிக்கையை வழங்க வேண்டும் என்று விரும்புகிறோம்” என்று குறிப்பிட்டார்.

Hayleys Mobility Limited நிறுவனத்தின் நிர்வாகப் பணிப்பாளர் ரொஷானி தர்மரத்ன கூறுகையில்: “எங்கள் நாடு தழுவிய முகவர் வலையமைப்பு, வாடிக்கையாளர்களுடன் முதல் உரையாடல் முதல் விற்பனைக்குப் பிந்தைய தேவைகள் வரை அனைத்திலும் அவர்களை நெருக்கமாக அணுக உதவுகிறது. Uber ஓட்டுநர்களைப் பொறுத்தவரை, வீதியில் செலவிடும் நேரம் மிகவும் முக்கியமானது. எனவே, விரைவான சேவை, தெளிவான ஆலோசனைகள் மற்றும் ஆதரவைப் பெறுவதற்கான வசதியான வாய்ப்புகள் ஆகியவை நாங்கள் வழங்க விரும்பும் அனுபவத்தின் மிக முக்கியமான அம்சங்களாகும்” என்று தெரிவித்தார்.

இந்தக் கூட்டு முயற்சியானது, Hayleys Mobility நிறுவனத்தின் வளர்ந்து வரும் மின்சாரத்தில் இயங்கும் வாகன வரிசையையும் அதன் StarCharge சார்ஜிங் உள்கட்டமைப்புச் சூழலமைப்பையும் ஒன்றிணைத்து, மேலும் எளிதில் அணுகக்கூடிய மின்சாரத்தில் இயங்கும் வாகனப் போக்குவரத்து வலையமைப்பின் வளர்ச்சிக்கு ஆதரவளிக்கிறது. ஹேலிஸ் பிஎல்சியின் 148 ஆண்டுகால பாரம்பரியத்தின் ஆதரவுடன், Hayleys Mobility நிறுவனமானது இலங்கையில் மின்சாரத்தில் இயங்கும் வாகனங்களுக்கான அணுகலையும், அவற்றின் பரவலான பயன்பாட்டை ஆதரிக்கத் தேவையான உள்கட்டமைப்பையும் விரிவுபடுத்தப் பணியாற்றி வருகிறது.

இந்தக் கூட்டாண்மையானது, மின்சாரத்தில் இயங்கும் வாகனப் போக்குவரத்தை மேலும் எளிதில் அணுகக்கூடியதாக மாற்றுவதற்கும், ஓட்டுநர்களின் வாழ்வாதாரங்களுக்கு ஆதரவளிப்பதற்கும், இலங்கையின் தூய்மையான போக்குவரத்துச் சூழலமைப்பை நோக்கிய மாற்றத்திற்குப் பங்களிப்பதற்கும் உள்ள ஒரு பகிரப்பட்ட அர்ப்பணிப்பைப் பிரதிபலிக்கிறது.