செலிங்கோ லைஃப் நிறுவனமானது 2026 ஆம் ஆண்டுக்கான பிராண்ட் ஃபினான்ஸ் (Brand Finance) தரவரிசையில், இலங்கையின் 100 மிகவும் பெறுமதிமிக்க வர்த்தகநாமங்களின் பட்டியலில், இலங்கையின் மிகவும் பெறுமதிமிக்க காப்புறுதி வர்த்தகநாமம் என்ற தனது நிலையை தக்கவைத்துள்ளது. 

பிராண்ட் ஃபினான்ஸ், செலிங்கோ லைஃப் வர்த்தகநாமத்தின் பெறுமதியை ரூ. 6.7 பில்லியனாக மதிப்பிட்டு, அதற்கு AAA தரமதிப்பீட்டை வழங்கியுள்ளது. வர்த்தகநாம பெறுமதியைப் பொறுத்தவரை, ஒட்டுமொத்த இலங்கையின் 100 (‘Sri Lanka 100’) தரவரிசையில் செலிங்கோ லைஃப் 25வது இடத்தில் உள்ளது. 

அண்மைய தரவரிசையானது, Brand Finance தரவரிசைகளில் செலிங்கோ லைஃப்பின் தொடர்ச்சியான செயல்திறனை அடிப்படையாகக் கொண்டுள்ளது. 2025 ஆம் ஆண்டில், செலிங்கோ லைஃப் வர்த்தகநாமத்தின் பெறுமதியானது ரூ. 6.45 பில்லியனாக மதிப்பிடப்பட்டதுடன், AAA- என்ற வர்த்தக நாம தரவரிசையும் வழங்கப்பட்டது. 

வர்த்தக நாமத்தின் பெறுமதி என்பது இறுதியில் கோரப்படுவது அல்ல, ஈட்டப்படுவதாகும், மேலும் இந்த அங்கீகாரம் செலிங்கோ லைஃப் இலங்கையர்களின் மனதில் தொடர்ந்து தனது இடத்தைப் பெறுகிறது என்பதை எமக்கு உணர்த்துகிறது, என்று செலிங்கோ லைஃப்பின் சந்தைப்படுத்தல் தலைவர் திரு. திரஞ்சன் கனகசபை தெரிவித்தார். 

நாட்டின் மிகவும் பெறுமதிமிக்க காப்புறுதி வர்த்தகநாமமாக திகழ்வது,எமது வர்த்தக நாமத்தின் வளர்ச்சியையும் மீள்திறனையும் அளவிடும் ஒரு வலுவான அளவுகோலாகும். செலிங்கோ லைஃப்பிடமிருந்து வாடிக்கையாளர்கள் எதிர்பார்க்கக்கூடிய தரத்தை தொடர்ந்து உயர்த்துவதற்கான எமது பொறுப்பை இது மேலும் வலியுறுத்துகிறது. 

இந்த அங்கீகாரம், இலங்கையின் காப்புறுதித் துறையில் தனது தலைமைத்துவத்தைத் தொடர்ந்து நிலைநிறுத்தி வரும் அதேவேளையில், பரந்த சந்தையில் அதிக பெறுமதியையும் வர்த்தகநாம சமப்பங்கையும் உருவாக்கியுள்ள ஒரு வர்த்தகநாமத்தின் வலிமையையும் எடுத்துக்காட்டுகிறது, என்று அவர் மேலும் கூறினார். 

Brand Finance, சர்வதேச அளவில் அங்கீகரிக்கப்பட்ட தரநிலைகளைப் பயன்படுத்தி வர்த்தக நாமங்களை மதிப்பீடு செய்கிறது, வர்த்தகநாம பெறுமதியின் அளவீடுகளை வர்த்தகநாம வலிமையின் விரிவான மதிப்பீட்டுடன் ஒருங்கிணைக்கிறது. அதன் மதிப்பீடு சந்தைப்படுத்தல் முதலீடு, பங்குதாரர் சமப்பங்கு மற்றும் வர்த்தக செயல்திறன் உள்ளிட்ட காரணிகளைக் கருத்தில் கொள்கிறது. 

27 நாடுகளில் செயல்பட்டு வரும் Brand Finance, ISO-க்கு இணங்கும் வர்த்தக நாம மதிப்பீடு மற்றும் மதிப்பாய்வு சேவைகளை வழங்க சான்றிதழ் பெற்ற உலகின் முதல் ஆலோசனை நிறுவனமாகும். ISO 10668 மற்றும் ISO 20671 ஆகிய இரு தரநிலைகளுக்கும் இணங்கும் அறிக்கைகளைத் தயாரித்த முதல் நிறுவனமும் இதுவே. 1996 ஆம் ஆண்டில் நிறுவப்பட்ட Brand Finance, ஆண்டுதோறும் Brand Finance Global 5000 வர்த்தக நாம மதிப்பீட்டு தரவுத்தளத்தை உருவாக்குகிறது. 

2026 SLIM காந்தார் மக்களின் விருதுகள் (2026 SLIM Kantar People’s Awards) விருது வழங்கும் விழாவில், தொடர்ந்து 20-வது ஆண்டாக ஆண்டின் மக்களின் ஆயுள் காப்புறுதி சேவை வழங்குநர் என்ற விருதை முன்னெப்போதும் இல்லாத வகையில் வென்றுள்ள செலிங்கோ லைஃப், World Finance நிறுவனத்தால் தொடர்ந்து 12 ஆண்டுகளாக இலங்கையின் சிறந்த ஆயுள் காப்புறுதி நிறுவனமாகவும் அங்கீகரிக்கப்பட்டுள்ளது. மேலும், 2025 மற்றும் 2026 ஆம் ஆண்டுகளில் இலங்கையின் மிகவும் பெறுமதிமிக்க காப்புறுதி வர்த்தக நாமமாகவும் செலிங்கோ லைஃப் தரவரிசைப் படுத்தப்பட்டுள்ளது. காப்புறுதிதாரர்களின் இலட்சியங்களைப் பாதுகாத்து, அவற்றுடன் தொடர்புடைய இடர்களைக் குறைக்கும் வகையில், நிறுவனம் புதுமையான காப்புறுதித் தீர்வுகளை வழங்கி வருகிறது.